Սիրիայի մայրաքաղաք Դամասկոսից 15 կմ դեպի հարավ-արևմուտք ընկած հատվածում զանգվածային հարված է հասցվել ռազմական օբյեկտների ուղղությամբ: Այս մասին հաղորդում է լիբանանյան Al-Manar հեռուստաալիքը, որը պատկանում է «Հեզբոլլահ» շարժմանը:
Հեռուստաալիքը հայտնել է, որ հարվածները հասցվել են սիրիական բանակի 1-ին դիվիզիայի ուղղությամբ:
Արաբական լրատվամիջոցների տեղեկություններով՝ իսրայելական ինքնաթիռները ներթափանցել են Սիրիայի օդային տարածք Լիբանանի միջոցով և ռմբակոծել զինամթերքի պահուստները: Պահուստներին զգալի վնաս է հասցվել:
Հնարավոր զոհերի մասին տեղեկությունները ճշտվում են: