Խնդրում ենք սպասել...
Այսօր`  հինգշաբթի, 14 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Իրադարձություններ

«Զենքերն իշխանափոխության նպատակով էին ու եթե` ժողովրդի դեմ ուժ կիրառվեր». Պետրոսյանը Սեֆիլյանի դեմ ցուցմունք է տվել

20:05, ուրբաթ, 01 դեկտեմբերի, 2017 թ.
«Զենքերն իշխանափոխության նպատակով էին ու եթե` ժողովրդի դեմ ուժ կիրառվեր». Պետրոսյանը Սեֆիլյանի դեմ ցուցմունք է տվել
     Ժիրայր Սեֆիլյանի և մյուսների գործով ամբաստանյալ Հովհաննես Պետրոսյանն այսօր դատարանում հայտարարել է, որ Սեֆիլյանը զենքերը փոխանցել էր Հրայր Թոփչյանի միջոցով: Պետրոսյանի խոսքով՝ Սեֆիլյանի հետ այդ պայմանավորվածությունը եղել էր 2015-ի աշնանը: «Այդ զենքերն իշխանափոխության նպատակով էին ու եթե` ժողովրդի դեմ ուժ կիրառվեր: Հեռուստաաշտարակը ներառված էր հարձակման օբյեկտներում, բայց հետո դուրս եկավ ծրագրից, քանի որ իրատեսական չէր»,- ասել է նա:
     Հիշեցնենք՝ Հովհաննես Պետրոսյանին մեղադրանք է առաջադրվել, որ 2015 թվականի նոյեմբերից մինչև 2016 թվականի մայիսի 18-ն ընկած ժամանակահատվածում ընդգրկված լինելով Ժիրայր Սեֆիլյանի կողմից ստեղծված, զիված կազմակերպված խմբի կազմում, ապօրինի պահել և ձեռք է բերել հրազեն և ռազմամթերք, նպատակ ունենալով պետությանը որոշակի գործողություններ կատարելուն հարկադրելու նպատակով կազմակերպված խմբով, զենքի գործադրմամբ, կյանքի համար վտանգավոր բռնություն գործադրելով զավթել և պահել ռազմավարական նշանակության շենքեր, շինություններ: Գիտակցելով հանցագործությունն ավարտին հասցնելու իրական հնարավորությունը, կամովին հրաժարվել է հանցագործության նախապատրաստությունից և անմիջականորեն հանցանք կատարելուն ուղղված գործողություններից, այնպես էլ հանցագործությունն ավարտին հասցնելուց: Հովհաննես Պետրոսյանը հրազեններն ու ռազմամթերքը Ժիրայր Սեֆիլյանին վերադարձնելու ժամանակ, ենթարկվել է ավտովթարի, բացահայտվել ու բերման ենթարկվել ոստիկանության Մաշտոցի բաժին:
Տեսանյութն՝ 1in.am-ի
1866 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
ardar Hayastan
ardar Hayastan 20:27, 01.12.2017
Lav el insch? elq ka aporini varschakargic azatvelu, inschqan piti tarapenq nerqin tschnamineri lci tak. iskakan herosnerin veracrecin, talanschineri azgi prkschi dimak en hagel, talanum en erkir@, koxoptum en xexsch joxovrdin, minschev erb?