Թուրքիան ջանքեր է գործադրում Լեռնային Ղարաբաղի հակամարտությունը կարգավորելու և «օկուպացված տարածքները» վերադարձնելու ուղղությամբ: Այս մասին ադրբեջանցի և պակիստանցի իր գործընկերների հետ հանդիպման ժամանակ հայտարարել է Թուրքիայի արտաքին գործերի նախարար Մևլյութ Չավուշօղլուն, հաղորդում է АзерТАдж-ը:
Նա հիշեցրել է ՌԴ նախագահ Վլադիմիր Պուտինի հետ հանդիպման ժամանակ Թուրքիայի նախագահ Ռեջեփ Էրդողանի հնչեցրած հայտարարությունները:
«Էրդողանը հայտարարել էր, որ եթե Ռուսաստանը վճռական լինի, ապա այդ հարցը կլուծվի, և Թուրքիան կաջակցի տվյալ նախաձեռնությունը»,- ասել է Չավուշօղլուն՝ ընդգծելով, որ Թուրքիան աջակցում է բոլոր բանաձևերը, որոնք համապատասխանում են Ադրբեջանի շահերին: