«Երևակ» կրթահամալիրի սաները մասնագիտական այց կատարեցին ՎիվաՍել-ՄՏՍ
12:40, չորեքշաբթի, 29 նոյեմբերի, 2017 թ.
Որպես Հայաստանում պատասխանատու գործարար մշակույթի մոդել ձևավորած ընկերություն, ՎիվաՍել-ՄՏՍ-ը երիտասարդներին մշտապես հնարավորություն է ընձեռում ավելի լավ ճանաչել գործարար կառավարման իր մշակույթը՝ հետագա մասնագիտական կողմնորոշման հարցում նրանց առավելագույն օգտակար լինելու նպատակով: «Երևակ» կրթահամալիրի սաները մասնագիտական այց կատարեցին ՎիվաՍել-ՄՏՍ Հանդիպման ժամանակ աշակերտները հնարավորություն ունեցան ծանոթանալու ՎիվաՍել-ՄՏՍ-ի պատմությանը և հեռառահաղորդակցության ոլորտում ընկերության արձանագրած հաջողություններին: Մասնավորապես՝ «Երևակ» կրթահամալիրի սաները շրջեցին գրասենյակով, այցելեցին գործառնական առանցքային ստորաբաժանումներ, այդ թվում նաև՝ Զանգերի ու սպասարկման կենտրոնները: Շրջայցի ավարտին դպրոցականները հանդիպեցին ՎիվաՍել-ՄՏՍ-ի գլխավոր տնօրենի հետ: Ռալֆ Յիրիկյանը դպրոցականներին խորհուրդներ տվեց մասնագիտական կողմնորոշման և ընտրության գործում ու պատասխանեց նրանց հարցերին: «Ճանաչողական այսօրինակ հանդիպումները շատ կարևոր են փորձի փոխանակման, մասնագիտության ճիշտ ընտրության և երիտասարդներին՝ ընկերության հաջողված օրինակով առաջնորդելու տեսանկյունից: Տարբեր ոլորտներում ընդգրկված՝ ընկերության փորձառու մասնագետների հետ շփվելու և նրանցից խորհուրդներ ստանալու հնարավորությունները միտված են երիտասարդների մտահորիզոնի ընդլայնմանն ու անփոխարինելի են հետագա մասնագիտական կրթության վերաբերյալ պատկերացում կազմելու հարցում»,- ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: «Երևակ» կրթահամալիրի սաները մասնագիտական այց կատարեցին ՎիվաՍել-ՄՏՍ ՎիվաՍել-ՄՏՍ-ը մշտապես կիսում է իր փորձը այն երիտասարդների հետ, որոնք ցանկանում են տեղեկություններ ստանալ հեռահաղորդակցության ոլորտի, կառավարման մշակույթի և ոլորտին առնչվող մասնագիտությունների վերաբերյալ: |
13584 | 0