Սինգապուրի կառավարությունը մտադիր է հաջորդ տարի ավարտին հասցնել Եվրասիական տնտեսական միության հետ ազատ առևտրի գոտի ստեղծելու շուրջ բանակցությունները, հաղորդում է ТАСС-ը:
Այս մասին հայտարարել է Սինգապուրի առևտրի և արդյունաբերության ավագ նախարար Կո Պո Կունը Մոսկվայի շրջանի նահանգապետ Անդրեյ Վորոբյովի հետ հանդիպման ժամանակ:
Նրա խոսքով՝ ներկա պահին ազատ առևտրի գոտի ստեղծելու մասին խորհրդակցություններ են անցկացվում:
Կո Պո Կունը նշել է, որ Ռուսաստանը ԵՏՄ-ի առանցքային մասնակից է, իսկ Սինգապուրը մտնում է Հարավարևելյան Ասիայի պետությունների ասոցիացիայի կազմի մեջ: