Վրաստանի ՆԳՆ-ն հայտնել է երեկ երեկոյան Բաթումիի «Լեոգրանդ» 5-աստղանի հյուրանոցում տեղի ունեցած հրդեհի հետևանքով զոհերի թվի աճի մասին: Վերջին տվյալների համաձայն՝ հրդեհի հետևանքով զոհվել է 12 մարդ:
Ներկա պահին պարզվում է զոհվածների ինքնությունը: Ընդհանուր առմամբ շենքից տարհանվել է 100 մարդ, այդ թվում նաև հյուրանոցի անձնակազմը:
Ըստ նախնական տեղեկությունների՝ հրդեհը բռնկվել է հյուրանոցի սպա համալիրում: Այդ ժամանակ հյուրանոցում են գտնվել «Միսս Վրաստան» մրցույթի մասնակիցներն ու մրցույթի կազմակերպիչները:
Հրդեհի պատճառները հայտնի չեն: