Սաուդյան Արաբիայի թագաժառանգ արքայազն Մուհամեդ իբն Սալման ալ Սաուդը New York Times-ի հարցազրույցում Իրանի հոգևոր առաջնորդ այաթոլա Ալի Համենեին «Մերձավոր Արևելքի նոր Հիտլեր» է անվանել:
«Իրանի Գերագույն առաջնորդը Մերձավոր Արևելքի նոր Հիտլերն է»,- ասել է նա:
Մուհամեդ իբն Սալման ալ Սաուդի խոսքով՝ աշխարհը Եվրոպայի օրինակով իմացավ, որ ագրեսորին սատարելու քաղաքականությունը չի աշխատում:
«Մենք չենք ցանկանում, որպեսզի Իրանի նոր Հիտլերը կրկնի այն, ինչը տեղի ունեցավ Եվրոպայում և Մերձավոր Արևելքում»,- հավելել է արքայազնը:
Ավելի վաղ Սաուդյան Արաբիայի ԱԳՆ ղեկավարը հայտարարել էր, որ թագավորությունն իրեն իրավունք է վերապահում պատասխանել Իրանի թշնամական գործողություններին: