Սաուդյան Արաբիայի բյուջեն կհամալրվի մոտ 100 միլիարդ դոլարով: Գումարը կվճարեն ձերբակալված սաուդցի արքայազնները: Այս մասին New York Times-ին ասել է թագաժառանգ արքայազն Մուհամեդ բեն Սալմանը: Նա նաև հայտնել է, որ պատրաստվում է մեծացնել հանրության հանդուրժողականությունը:
«Մենք նրանց ցույց տվեցինք հետաքննության բոլոր նյութերը, և դրանք ուսումնասիրելով՝ ձերբակալվածների մոտ 95%-ը քննության հետ գործարք կնքեց: Դա նշանակում է, որ արաքայազններն իրենց միջոցները կներդնեն Սաուդյան Արաբիայի պետական բյուջեում»,- ասել է Մուհամեդ բեն Սալմանը:
Նրա խոսքով՝ ձերբակալվածների միայն 1%-ն է կարողացել ապացուցել իր անմեղությունը, և նրանց դեմ գործը դադարեցվել է:
Հիշեցնենք, որ նոյեմբերին Սաուդյան Արաբիայի արքայազնի գլխավորած կաշառակերության հարցերով զբաղվող բարձրագույն հանձնաժողովը մոտ 40 բարձրաստիճան պաշտոնյաների և թագավորական ընտանիքի անդամների ձերբակալության մասին որոշում էր ընդունել: Մի քանի շաբաթ 5-աստղանի հյուրանոցներում ձերբակալությունից հետո սաուդցի արքայազնները որոշել են փոխհատուցել վնասը: