«Ադրբեջանի` ԵՏՄ կազմում լինելը նշանակում է պահպանել Եվրասիական տնտեսական միության մասին պայմանագրի այն դրույթը, որ նույնիսկ դիտորդ պետությունը չպետք է որևէ քայլ ձեռնարկի՝ ի վնաս անդամ պետությունների կամ ընդհանուր առմամբ Եվրասիական տնտեսական միությանը: Դա ենթադրում է, որ, եթե Ադրբեջանը ցանկանում է այս կամ այն ձևի մոտենալ Եվրասիական տնտեսական միությանը, նա պիտի այդպիսի քայլեր չձեռնարկի»,- անդրադառնալով ԵՏՄ-ին Ադրբեջանի հնարավոր անդամակցությանը՝ լրագրողների հետ ճեպազրույցում ասաց ՀՀ ԱԳ փոխնախարար Շավարշ Քոչարյանը: Վերջինի խոսքով՝ ԵՏՄ-ին միանալը կամ դիտորդ դառնալը ողջունելի կլինի, եթե Ադրբեջանը կատարի այն պարտավորությունները, որ սահմանված են միության կանոնադրության մեջ. «Շրջափակումը վերացնել, թշնամական գործողություններ չիրականացնել, վերջ տալ հայատյացությանը»,- նշեց պաշտոնյան: