Ազգային ժողովում մեկնարկել է ուսանողների հետ նախատեսված կլոր սեղան-քննարկումը:
Ինչպես ավելի վաղ հայտնել էին երիտասարդները, պայքարելու են օրենքի հետկանչման և տարկետման իրավունքի տրամադրման կարգում փոփոխություններ մտցնելու համար:
«Հանուն գիտության զարգացման» նախաձեռնության անդամների խոսքով՝ բանվեճին երկու կողմն էլ կունենա 5-ական ներկայացուցիչ, Էդուարդ Շարմազանովը կվարի բանավեճը, իշխանական թևից հանդիպմանը ներկա կլինեն պաշտպանության փոխնախարար Արտակ Զաքարյանը, կրթության և գիտության նախարար Լևոն Մկրտչյանը, խորհրդարանի պաշտպանության հանձնաժողովի նախագահ Կորյուն Նահապետյանը, սոցիալական հարցերի հանձնաժողովի նախագահ Հակոբ Հաոբյանը և կրթության հանձնաժողովի նախագահ Վարդան Բոստանջյանը։