Խնդրում ենք սպասել...
Այսօր`  երկուշաբթի, 11 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Միջազգային

ԱՄՆ-ն Թուրքիայի հետ հարաբերությունները համեմատել է ամուսնական կյանքի հետ

13:00, չորեքշաբթի, 22 նոյեմբերի, 2017 թ.
ԱՄՆ-ն Թուրքիայի հետ հարաբերությունները համեմատել է ամուսնական կյանքի հետ

ԱՄՆ Պետդեպարտամենտի պաշտոնական ներկայացուցիչ Հեզեր Նաուերթը, մեկնաբանելով Անկարայի այն հայտարարությունը, որ թուրք գործարար Ռեզա Զարաբի դեմ քրեական գործը քաղաքական դավադրություն է, ԱՄՆ-ի և Թուրքիայի հարաբերությունները համեմատել է ամուսնական կյանքի հետ:
     «Վերջերս Թուրքիան մեզ մեղադրեց պետական հեղաշրջում սադրելու համար: Դա ծիծաղելի է»,- Նաուերթի խոսքն է մեջբերում РИА Новости-ն:
     Նա նաև նշել է, որ այս կամ այն պետության հետ Վաշինգթոնի հարաբերությունները ժամանակ առ ժամանակ կարող են փոփոխվել: «Ինչպես ամուսնական կյանքում. լինում են լավ օրեր, լինում են նաև վատ օրեր: Երբեմն մեկը մի բան է ասում, ապա զղջում»,- նշել է Նաուերթը՝ հավելելով, որ Թուրքիան մնում է ԱՄՆ-ի կարևորագույն դաշնակիցը:
     Վերջին շրջանում ԱՄՆ-ի և Թուրքիայի հարաբերությունները սրվել են: Թուրքիան ԱՄՆ-ին մեղադրում է FETО խմբավորման հետ կապի համար, որին թուրքական իշխանությունները կասկածում են 2016թ. ամռանը պետական հեղաշրջման փորձ կատարելու համար: Ինչպես նաև ԱՄՆ-ին մեղադրում են գործարար Ռեզա Զարաբի գործին միջամտելու համար: Զարաբն էլ իր հերթին մեղադրվում է Իրանի նկատմամբ ԱՄՆ-ի պատժամիջոցները խախտելու համար:
     Բացի այդ, ի պատասխան ԱՄՆ-ի՝ ռուսական С-400-ների գնման դեպքում Թուրքիային F-35 կործանիչներից զրկելու սպառնալիքներին՝ Անկարան սպառնացել է անջատել AN-TPY-2 հզոր ռադարը, որն ամերիկացիները կառուցել են Թուրքիայի տարածքում 2012թ.:

6205 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am