Իսրայելի ոստիկանությունը հաստատել է, որ մի քանի ժամ շարունակ հարցաքննել է երկրի վարչապետ Բենյամին Նեթանյահուին: Նա հարցաքննվել է Երուսաղեմի իր նստավայրում «Լահավ-333» ստորաբաժանման աշխատակիցների կողմից, Իսրայելի ոստիկանության խոսքերն է փոխանցում է РИА Новости-ն:
«Լահավ-333»-ը ոստիկանության հատուկ ստորաբաժանում է, որ զբաղվում է առանձնապես ծանր հանցագործությունների և կաշառակերության գործերով:
Իսրայելի վարչապետը կասկածվում է գործարարներից թանկարժեք նվերների ստացման և երկրի խոշոր հրատարակչություններից մեկի հետ իշխանությունների գործունեության վերաբերյալ դրական լուսաբանում ապահովելու հարցով պայմանավորվելու փորձերի համար: