Հազարավոր մարդիկ այսօր դուրս են եկել Զիմբաբվեի մայրաքաղաք Հարարեի փողոցներ՝ նշելով 93-ամյա նախագահի Ռոբերտ Մուգաբեի ակնկալվելիք հրաժարականը, հաղորդում է Reuters-ը:
Գործակալության տեղեկություններով՝ հանրապետության մի քանի հազար բնակիչներ դուրս են եկել քաղաքի փողոցներ ազգային դրոշներով: Երթը խաղաղ է եղել՝ երգի և պարի ուղեկցությամբ:
«Սրանք երջանկության արցունքներ են: Ես սպասում էի այս պահին ողջ կյանքս: Վերջապես եկավ այդ օրը՝ մեր ազատության օրը»,- գործակալությունը մեջբերում է երթի մասնակիցներից մեկի խոսքը: