Միխայել Շումախերի մրցավազքային ավտոմեքենան՝ Ferrari F2001-ը, վաճառվել է 7.5 միլիոն դոլարով: Այս մասին ասվում է Sotheby's աճուրդային տան թվիթերյան հայտարարության մեջ:
Նշվում է, որ ավտոմեքենայի սկզբնական գինը կազմել է 4-5.5 միլիոն դոլար: Աճուրդի ներկայացուցիչների խոսքով՝ սա ռեկորդային գին է, որ երբևէ վճարվել է «Ֆորմուլա 1»-ի ժամանակակից բոլիդի համար:
Այս ավտոմեքենայի ղեկին Շումախերը հաղթել է 2001 թվականին Մոնակոյում անցկացված մրցավազքի Գրան Պրին: