ԱՄՆ Պետդեպարտամենտն իր պաշտոնական կայքում նախազգուշացրել է ամերիկացիներին, ովքեր պատրաստվում են ամանորյա տոներին եվրոպական երկրներ մեկնել: Փաստաթուղթը հասանելի է Պետդեպարտամենտի կայքում:
«Ծայրահեղականները շարունակում են թիրախավորել զբոսաշրջային վայրերը, տրանսպորտային հանգույցները, շուկաները, առևտրային կենտրոններն ու տեղական իշխանության մարմինները, ինչպես նաև ակումբները, ռեստորանները, զանգվածային միջոցառումներ անցկացնելու համար նախատեսված վայրերը, այգիները, ուսումնական հաստատությունները, օդանավակայանները»,- ասվում է Պետդեպարտամենտի պաշտոնական կայքում:
Գերատեսչությունը հիշեցնում է նաև, որ ահաբեկիչները հարձակման միջոցներ են ընտրում հրազենը, սառը զենքը, պայթուցիկներն ու մեքենաները: