Քիչ առաջ ֆեյսբուքյան իր էջում «Հանուն գիտության զարգացման» նախաձեռնության համակարգող անդամ Դավիթ Պետրոսյանը գրառում էր կատարել, որ իր հետ հացադուլ անող տղաներից մեկին տարել են ոստիկանություն, առանց որևէ բացատրության:
MAMUL.am լրատվականի թղթակիցը կապ հաստատեց Դավիթ Պետրոսյանի հետ դեպքի մանրամասները պարզելու համար: «Քիչ առաջ իմացա, որ իմ հետ հացադուլ անող տղաներից Յուրիին տարել են ոստիկանություն՝ առանց հիմնավորման: Պատրաստվում էինք իմանալ ոստիկանության որ բաժնում է, որ բոլորով գնայինք: Այդ մասին իմացել էր պարոն Շարմազանովը: Նա զանգահարեց ինձ և հարցրեց ինչ է տեղի ուենցել: Հարցրեց տղայի անուն ազգանունը և բնակության հասցեն: Պարոն Շարմազանովը կապ էր հաստատել ոստիկանապետի հետ և պարզվել էր, որ գիշերը Յուրիիենց բակում ավտոմեքենայից գողություն էր կատարվել, Յուրիի անունն էլ համընկել էր, բնականաբար նա այդ ամենի հետ կապ չունի: Մեզնից ներողություն խնդրեցին, Յուրին էլ արդեն ազատ է»,-դեպքի մանրամասները պատմեց Դավիթը: