Կոնստանտին Ստանիսլավսկու անվան ռուսական դրամատիկական թատրոնը Ռուսաստանում «Հայաստանի մշակույթի օրերին» կներկայանա Ավքսենտի Ցագարելիի «Խանումա» բեմադրությամբ: Ինչպես հայտնում է ՀՀ Մշակույթի նախարարությունը, Չեբոքսարե քաղաքում «Խանուման» բեմ կբարձրանա նոյեմբերի 18-ին և 19-ին, իսկ նոյեմբերի 21-ին Յոշկարոլա քաղաքում այն կներկայացվի «Բարեկամության կամուրջ» թատերական փառատոնի շրջանակում:
Ռուսական թատրոնի տնօրեն Ֆրեդ Դավթյանն ասում է, որ ներկայացված մի քանի բեմադրություններից ընտրվել է «Խանուման», որովհետև վոդևիլային թեթև ներկայացում է, որը խրախուսում է ընկերությունը, ժողովուրդների բարեկամությունը:
«Հայաստանի օրերին» Ռուսաստանում կներկայացվի նաև Ալեքսանդր Գրիգորյանի բեմադրած «Խանուման»
«Հայաստանի օրերին» Ռուսաստանում կներկայացվի նաև Ալեքսանդր Գրիգորյանի բեմադրած «Խանուման»
«Ռուսաստանի դրամատիկական Մեծ թատրոնում 1972-ին «Խանումա» պիեսը բեմադրել է Գեորգի Տովստոնոգովը: Քննադատները երբեմն համեմատում են նրա և Ալեքսանդր Գրիգորյանի բեմադրությունները՝ նախապատվությունը տալով հայ ռեժիսորին: 2016-ին «Խանուման» շռնդալից հաջողությամբ ներկայացվեց Սիբիրի տարբեր քաղաքներում: Տոմսերը սպառվել էին դեռևս երկու ամիս առաջ»:
Ցագարելիի «Խանուման», որը պատմում է Թիֆլիսի Հավլաբար հայկական թաղամասում ծավալվող իրադարձությունների մասին, առաջին անգամ Երևանի ռուսական թատրոնի բեմ է բարձրացել 1974 թվականին: 2017-ի փետրվարին կայացավ բեմադրության հոբելյանական՝ 800-րդ ցուցադրությունը:
«Հայաստանի օրերին» Ռուսաստանում կներկայացվի նաև Ալեքսանդր Գրիգորյանի բեմադրած «Խանուման»
«Հայաստանի օրերին» Ռուսաստանում կներկայացվի նաև Ալեքսանդր Գրիգորյանի բեմադրած «Խանուման»