Գեղանկարիչ Առաքել Առաքելյանն այսօր դարձավ 90 տարեկան: Նա ծնվել է Երևանում, գեղանկարիչ Սեդրակ Առաքելյանի որդին է: Ավարտել է Երևանի Փ.Թերլեմեզյանի անվան գեղարվեստի ուսումնարանը, այնուհետև Երևանի գեղարվեստաթատերական ինստիտուտը: Աշխատել է հիմնականում բնանկարի ժանրում: Նրա աշխատանքներից են` «Աշուն», «Գուրզուֆ. Նավակներ ծովափին», «Խնձորեսկ», «Արայի սարը», «Արարատ», «Սևան», «Սևան», «Ուշ աշուն», «Եղեգնաձոր», «Արագիլներ», «Ձմեռ», «Քաջարան» և այլն: 1958-ից եղել է Հայաստանի նկարիչների միության անդամ: 1952-ից մասնակցել է ցուցահանդեսների, մասնակցել է Բեյրութի «Հայկական գույներ» ցուցահանդեսին: 2012-ին եղել է նրա անհատական ցուցահանդեսը Երևանում` նվիրված գեղանկարչի 85-ամյակին: Նկարչի աշխատանքներից գտնվում են Հայաստանի ազգային պատկերասրահում: Առաքել Առաքելյանն արժանացել է Հայաստանի վաստակավոր նկարչի կոչման: Մահացել է Երևանում:
