Ինչպես հայտնի է, 2018-ին նպաստները, կենսաթոշակն ու աշխատավարձերը չեն բարձրանալու, փոխարենը տարին շարունակվելու է գնաճով:
Աժ «Ելք» խմբակցության պատգամավոր Լենա Նազարյանը 2018-ի բյուջեի նախագիծն անվանել է հետընտրական, քանի որ ՀՀԿ-ն ու կառավարությունը չեն իրականացնելու իրենց նախընտրական խոստումը: Նա հիշեցրել է Աժ ընտրություններից առաջ Կարեն Կարապետյանի՝ «Ռ-էվոլյուցիա» հաղորդաշարի ժամանակ հնչեցրած հայտարարությունը. «Հստակ ծրագիր ենք դնում մեր առաջ, որ առնվազն 2018-ին բազիսային աշխատավարձը, կենսաթոշակները բարձրացնենք»: