Ամերիկացի սենատոր Ջոն ՄքՔեյնն իր կայքում հայտարարություն է հրապարակել ՌԴ Պետդումայի կողմից «օտար գործակալների» մասին օրինագծի ընդունումից հետո, հաղորդում է Gazeta-ն:
Հայտարարության մեջ ասվում է, որ ամերիկյան Voice of America կամ CNN հեռուստաալիքները չի կարելի համեմատել ռուսական RT հեռուստաալիքի հետ:
«Այդ հեռուստաալիքների լրագրողները ճշմարտություն են փնտրում: Իսկ RT-ի քարոզիչները հերքում են ճշմարտությունը, սուտ տարածում և ձգտում ոչնչացնել ժողովրդավարական ինստիտուտները», — ասվում է ՄքՔեյնի կայքում:
Նրա խոսքով՝ ՌԴ նախագահ Վլադիմիր Պուտինի արդարացումներ պետք չեն օտարերկրյա ԶԼՄ-ների դեմ պայքարի համար, քանի որ նրա համար գլխավոր սպառնալիքը ճշմարտությունն է: