Իրադարձություններ

     «Բյուջեի նախագիծը ներկայացնողներն ասում են, որ բյուջեն հավասարակշռված է, բայց ես չեմ գտնում այդ կարծիքը, որովհետև գտնում եմ, որ բյուջեն հավասարաչափ չի արտացոլում սոցիալականության, ինքնիշխանության, ժողովրդավարության և իրավական անվտանգության բանաձևերը: Այս բյուջեն չի կարող բուժել մեր պետության, հասարակության, մեզ տանջող ցավերը»,- այսօր խորհրդարանում հայտարարեց ԱԺ «Ծառուկյան» խմբակցության պատգամավոր Գևորգ Պետրոսյանը՝ կոչ անելով գործընկերներին՝ դեմ քվեարակել 2018-ի բյուջեի նախագծին։
     «Ընկերներ, կրճատվել է սոցիալական պաշտպանության ծախսերը, Հայաստանի Հանրապետությունը սոցիալական պետություն է, ինչը նշանակում է, որ աշխատունակ ցանկացած քաղաքացի պետք է աշխատանքով ապահովվի, իսկ անաշխատունակներին պետությունն ապահովի լրացուցիչ նյութական աջակցության միջոցներով, այսօր բյուջեն ձեռնպահ է մնացել այդպիսի միջամտությունից»,-ասաց պատգամավորը։