ԱՄՆ Պետդեպարտամենտը խորհուրդ չի տալիս իր քաղաքացիներին վիրահատվել Ադրբեջանում, բացառությամբ՝ կյանքին վտանգ սպառնացող դեպքերի, հաղորդում է ադրբեջանական APA գործակալությունը:
Պետդեպարտամենտի կայքում ԱՄՆ-ի քաղաքացիներին խորհուրդ է տրվում հայրենիքում գնված սեփական դեղորայքն օգտագործել, քանի որ ադրբեջանական դեղատներում կարելի է անհրաժեշտ դեղորայքը չգտնել: Իսկ եթե նրանք ստիպված են այդտեղի հիվանդանոցներից մեկը գնալ, ապա Պետդեպարտամենը խորհուրդ է տալիս կանխիկ գումար պահել:
Ադրբեջանի առողջապահության նախարարի տեղակալ Էլսեվեր Աղաևի խոսքով՝ Ադրբեջանում բնակվող ԱՄՆ-ի և այլ պետությունների քաղաքացիներն օգտվում են իրենց առողջապահությունից, և չկա աշխարհում այնպիսի վիրահատություն, որը կատարվի միայն Ադրբեջանում: