Խնդրում ենք սպասել...

Իրադարձություններ

Ուսանողները դադարեցնում են դասադուլն ու հացադուլը

15:30, չորեքշաբթի, 15 նոյեմբերի, 2017 թ.
Ուսանողները դադարեցնում են դասադուլն ու հացադուլը

Քիչ առաջ Ազգային ժողովի շենքից դուրս եկավ «Հանուն գիտության զարգացման» նախաձեռնության 5 հոգանոց խումբը, որը խորհրդարան էր մտել պատգամավորների հետ քննարկելու այսօր ընդունված «Զինվորական ծառայության և զինծառայողի կարգավիճակի մասին» նախագծի օրենքին առնչվող հարցեր:
     «Ամսի 22-ին տեղի կունենա կլոր սեղան, որի ընթացքում կքննարկվեն թե տարկետման, թե կրթությանն առնչվող տարբեր հարցեր: Քննարկումը բաց է լինելու: Մեզ խոստացել են` եթե բերենք հիմնավոր փաստարկներ, իրենք օրենքը հետ կընդունեն: Եթե կլոր սեղանն արդյունք չտվեց, այն ժամանակ կքննարկենք մյուս մեթոդները»,- հայտարարեց նախաձեռնության անդամներից Դավիթ Պետրոսյանը` նշելով, որ այս պահից դադարեցնում են ցույցերն ու դասադուլը: «Ամեն ինչ կերևա կլոր սեղանից հետո։ Կլոր սեղանին մենք կփորձենք ներգրավել գիտնակաների, դասախոսների և այս խնդրով մտահոգ փորձագետների ու քաղաքացիների: Ովքեր ունեն կարևոր փաստարկներ, կմասնակցեն այդ լսումներին և իրենց խոսքը կասեն»,- ասաց նա՝ հավելելով, որ իրենց վստահեցրել են, որ այն ուսանողները, որոնք մասնակցել են դասադուլին, նրանց նկատմամբ ճնշումներ չեն իրականացվի։

6610 | 3
Facebook