Չինաստանի Անհոյ նահանգի Ֆույան քաղաքում ճանապարհատրանսպորտային խոշոր պատահար է տեղի ունեցել ավելի քան 30 ավտոմեքենայի մասնակցությամբ: Այս մասին, ինչպես փոխանցում է «Սինհուա» լրատվականը, հայտարարել է տեղի հակահրդեհային ծառայությունը: Նշվում է, որ խոշոր պատահարը տեղի է ունեցել քաղաքի արագընթաց մայրուղու վրա: Բախման հետևանքով 4 մեքենա այրվել է: Հրշեջներին մի քանի ժամ անց է հաջողվել մարել կրակը:
Փրկարարները հրդեհի ճիրաններից 17 մարդու կյանք են փրկել: Փրկարարական աշխատանքները շարունակվում են: Ճշտվում է զոհերի և վիրավորների ստույգ թիվը: Ըստ որոշ տվյալների՝ զոհվել է 18 մարդ: