Իրադարձություններ

Ուսանողները տեղափոխվել են Բաղրամյան պողոտա և ԱԺ-ի կենտրոնական մուտքի մոտ պատ կազմել:
     Ցուցարարներին մոտեցավ Երևանի փոխոստիկանապետ Վալերի Օսիպյանը. «Բոլորիդ կոչ եմ անում ազատել Բաղրամայն պողոտան: Հակառակ դեպքում կդիմենք խիստ միջոցների: Ձեր արարքը տանում է բախման ոստիկանության հետ: Ձեր նպատակին չեք կարողանում հասնել, դրա համար փորձում եք հրահրել: Դուք շատ կոպիտ խախտել եք հավաքների մասին օրենքը: Դուք կարող էիք դիմել լիազոր մարմնին և ստանալ երթերի և հավաքների համապատասխան թույլտվություն, որը դուք չեք արել: Այսօր էլ Դեմիրճյան փողոցում սահմանափակել եք քաղաքացիների ազատ տեղաշարջման իրավունքը և մենք ունենք բողոքներ քաղաքացիների կողմից, որպեսզի ձեզ կարգի հրավիրենք»,- ասաց Վալերի Օսիպյանը` նշելով, որ ուսանողներին տալիս է 5 րոպե ժամանակ` վերկանգնելու համար այս փողոցի երթևեկությունը:
     Ցուցարարները հայտարարեցին, որ շարունակելու են պայքարը: