Ֆիլիպիններում ցուցարարներն այրել են ԱՄՆ նախագահ Դոնալդ Թրամփի խրտվիլակը՝ ի նշան «ամերիկյան կայսերականության» դեմ բողոքի: Թրամփը Ֆիլիպինների մայրաքաղաք Մանիլայում մասնակցում է Հարավարևելյան Ասիայի պետությունների ասոցիացիայի գագաթաժողովին: Տեղի լրատվամիջոցների հաղորդմամբ՝ ցույցը սկսվել է երկուշաբթի օրը՝ վաղ առավոտյան, գագաթաժողովի սկսվելուն պես:
Ցուցարարները՝ «Կայսերական ԱՄՆ», «Վերջ ամերիկյան ռազմական մեքենային» վանկարկումներով տեղափոխել են Թրամփի խրտվիլակը, որն ունեցել է 4 ձեռք՝ ամրացված ֆաշիստական խորհրդանշանի տեսքով: Խրտվիլակի ձեռքում փողերով պայուսակ է եղել, հրացան, միջուկային մարտագլխիկով հրթիռ և հող փորող մեքենա:
Ցույցի կազմակերպիչները հայտնել են, որ ակցիային մոտ 3 հազար մարդ է մասնակցել: Ակցիայի ժամանակ 16 մարդ է տուժել: