Մասնագետները հետազոտում են քարանձավային առյուծի ձագի՝ հիանալի պահպանված մնացորդները, որպեսզի պարզեն, թե արդյոք հնարավոր է այն կլոնավորել: Մնացորդները գտնվել են Յակուտիայի Աբիյի շրջանում՝ Տիրեխտյախ գետի ափին: Գտածոյի տարիքը մոտ 20-50 հազար տարի է:
Հավանաբար, կորյունը սատկել է 1,5-2 ամսականում, նրա մարմնի երկարությունը հասնում է 45 սմ-ի, քաշը՝ 4 կգ-ի: Հավերժական սառնամանիքը նրան «պահածոյացրել է»՝ անվնաս թողնելով մորթին ու վերջույթը:
Նշենք, որ քարանձավային առյուծները վերացել են մոտ 10 հազար տարի առաջ, նրանք եղել են կատվազգիների ընտանիքի ամենախոշոր ներկայացուցիչներից մեկը, բնակվել են Եվրոպայի հյուսիսից մինչև Սիբիր ընկած տարածաշրջանում: