ԱՄՆ նախագահ Դոնալդ Թրամփը ներկա չի գտնվել
Ասիա-խաղաղօվկիանոսյան տնտեսական համագործակցության համաժողովի երկրների առաջնորդների անդամների հանդիպմանը, որտեղ կարող էր հանդիպել ՌԴ նախագահ Վլադիմիր Պուտինի հետ, հաղորդում է РИА Новости-ն:
Միջոցառմանը Վաշինգթոնը ներկայացնում է ԱՄՆ-ի առևտրային ներկայացուցիչ Ռոբերտ Լայթհայզերը:
Հիշեցնենք, որ այսօր Սպիտակ տունը հայտարարել էր, որ Պուտին-Թրամփ բանակցությունները Թրամփի աշխատանքային օրակարգի պատճառով չեն կայանա:
Կրեմլն իր հերթին նշել էր, որ ԱՄՆ-ից հակասական ազդանշաններ են ստացվում, սակայն հնարավոր հանդիպման համար աշխատանքները շարունակվում են:
ԱԽՏՀ-ի գագաթաժողովն ընթանում է Վիետնամում ու կշարունակվի մինչև վաղը: