Իրաքի խորհրդարանի պատգամավոր Վիյան Դահիլը Twitter-ի իր էջում հայտնել է, որ երկրի հատուկ ծառայությունները Ռուսաստանի Դաշնության մոտ 500 կին քաղաքացու են ձերբակալել, ովքեր մեղադրվում են ԴԱԻՇ ահաբեկչական խմբավորման հետ կապ ունենալու համար, հաղորդում է РИА Новости-ն:
Պատգամավորը հաստատել է, որ կանայք ձերբակալվել են Իրաքի ուժերի կողմից և ուղարկվել բանտ որպես ԴԱԻՇ-ի անդամներ:
Նրա խոսքով՝ բացի ռուս կանանցից ձերբակալվել է Ադրբեջանի 200 կին քաղաքացի, ովքեր ևս մեղադրվում են ահաբեկչական խմբավորման հետ կապի համար:
Իրաքի բանակը մինչ այդ գրոհայիններից ազատագրել էր ահաբեկիչների կողմից մայրաքաղաք հռչակված Մոսուլը: