Նախօրեին Վիեննայում Մինսկի խմբի համանախագահների մասնակցությամբ ԵԱՀԿ Մշտական խորհրդի նիստի ժամանակ քննարկվել է արցախյան հակամարտության կարգավորման հարցը, հաղորդում է Report-ը:
Մինսկի խմբի ռուս համանախագահ Իգոր Պոպովը, ֆրանսիացի համանախագահ Ստեֆանո Վիսկոնտին և ամերիկացի համանախագահ Էնդրյու Շեֆերը Մշտական խորհրդին են ներկայացրել բանակցային գործընթացի զարգացման մասին մանրամասն տեղեկատվություն ու տարածաշրջանում ընթացիկ իրավիճակի շուրջ իրենց գնահատականները տվել:
Նիստին մասնակցել են նաև ԵԱՀԿ գործող նախագահի անձնական ներկայացուցիչ Անջեյ Կասպրշիկն ու ԵԱՀԿ Բարձր մակարդակի պլանավորման խմբի ղեկավար գնդապետ Հանս Լամպալցերը: