Ի՞նչ ենք ուտում, հագնում, դիտում

Ձիթապտուղը կարող է փոխարինել եղունգների, մազերի, մաշկի համար անհրաժեշտ վիտամիններին:
     Վիտամին Е-ն, А-ն համարվում են կոլագենի աղբյուր, առանց որի մաշկը կորցնում է ձգվածությունն ու սնուցումը: Ձիթապտղի յուղով պատրաստված դիմակներն օգտակար են չոր և թեփոտվող մաշկի համար:
     Այսպես, անհրաժեշտ է 1 ճաշի գդալ թարմ մրգի կամ բանջարեղենի խյուսի մեջ լցնել 1 ճաշի գդալ ձիթապտղի յուղ և ստացված զանգվածը քսել դեմքին՝ թողնելով 15-20 րոպե:
     Չոր մաշկի համար կիրառելի են բանանը, կարտոֆիլը, վարունգը, գազարը, կաղամբը և դդմիկը:
     Իսկ առողջ, ամուր և փայլուն մազեր ունենալու համար մասնագետները խորհուրդ են տալիս օգտագործել տնային պայմաններում պատրաստված միջոցներ, ինչպիսին օրինակ հավկիթն է, մայոնեզը, ձիթապտղի յուղն ու մեղրը։
     Հարկավոր է 1 ձվի դեղնուցը, 2 ճաշի գդալ մայոնեզը, 1 ճաշի գդալ ձիթապտղի յուղը և 1 ճաշի գդալ մեղրը խառնել իրար ու ստացված զանգվածով մերսել մազերի արմատները։ Ծածկել գլուխը սրբիչով, թողնել 30 րոպե, հետո լավ լվանալ։
     Ինչ վերաբերում է եղունգներին, ապա քնելուց առաջ անհրաժեշտ է քսել արևածաղկի տաքացված ձեթ և մերսել 5 րոպե։ Այնուհետ ձեռքերին հագնել բամբակյա ձեռնոցներ և քնել։