Ռուս-ադրբեջանական պետական սահմանին «Յարագ-Կազմալյար» մաքսային անցակետում Դաղստանի Հանրապետության՝ «Ռոսսելխոզնադզոր»-ի բուսասանիտարական հսկողության վարչության տեսուչներն արգելել են Ադրբեջանից 52,5 տոննա գյուղատնտեսական մթերքի ներկրումը, հաղորդում է РИА «Дагестан»-ը:
Ներկրման արգելքի պատճառ են դարձել Ռուսաստանի տարածք կարանտինային հսկողության ապրանքների ներկրման ժամանակ խախտումները: Ստուգումների ժամանակ բուսասանիտարական վկայականներում սխալ նշված տվյալներ են հայտնաբերվել:
Արգելված մթերքների թվում են՝ 16 780 կգ նուռ, 18 025 կգ լոլիկ և 17 750 կգ վարունգ: