ԱՄՆ նախագահ Դոնալդ Թրամփն առաջին պաշտոնական այցով ժամանել է Չինաստան: Այստեղ նա մտադիր է քննարկել առևտրային համաձայնագրեր և Հյուսիսային Կորեայի հետ հարաբերությունները:
Թրամփի հետ Չինաստան են եկել նաև ամերիկյան խոշոր ընկերությունների՝ Boeing-ի, Goldman Sachs-ի, Westinghouse Electric-ի և Qualcomm-ի ղեկավարները:
Օր առաջ Թրամփը պաշտոնական այցով եղել է Հարավային Կորեայում, որտեղ բանակցություններ է ունեցել երկրի նախագահ Մուն Չժե Իոնի հետ:
Իր ասիական շրջագայության ընթացքում Թրամփը մտադիր է տարածաշրջանի երկրներին համոզել ուժեղացնել Փհենյանի հանդեպ ճնշումները: