Քենիայում Ֆիլմերի դասակարգման խորհրդի (պատասխանատու է ֆիլմերի գրաքննության համար) ղեկավար Իեզեքիլ Մութուան կարծիք է հայտնել, որ «Մասաի Մարա» ազգային արգելոցի հյուրերը կարող էին առյուծներին սովորեցնել՝ միասեռական բեղմնավորմամբ զբաղվել: Այս մասին պետպաշտոնյան հայտնել է լրատվամիջոցներից մեկի հետ հարցազրույցի ժամանակ: Մութուային զայրույթը շարժել է բրիտանացի լուսանկարիչ Փոլ Գոլշթեյնի լուսանկարը, որում արու առյուծը բարձրացել է մյուս արուի վրա:
«Հավանաբար, նրանց վրա ազդել են համասռամոլները, որ եկել են արգելոց ու իրենց վատ են պահել»,- ասել է Մութուան: