ԱՄՆ նախագահ Դոնալդ Թրամփի նախկին թիկնապահ և խորհրդական Քիթ Շիլլերը հանդես կգա ԱՄՆ Կոնգրեսի՝ հետախուզության հարցերով հատուկ հանձնաժողովի լսումների ժամանակ, հաղորդում է The Washington Post-ը:
Պարբերականի տեղեկություններով՝ կոնգրեսականները մտադիր են հարցաքննել Շիլլերին՝ կապված 2013թ. Մոսկվա Թրամփի այցի հետ:
Օրենսդիրներին, մասնավորապես, հետաքրքրում են ռուսական կառավարության ներկայացուցիչների հետ միլիարդատիրոջ հանդիպումները: Բացի այդ, Կոնգրեսի ներկայացուցիչները մտադիր են Շիլլերին հարցեր տալ՝ կապված Հետաքննությունների դաշնային բյուրոյի տնօրեն Ջեյմս Քոմիի հրաժարականի հետ:
Նախագահի փաստաբանը պարբերականին ասել է, որ Սպիտակ տունը միայն ուրախ է, որ Շիլլերը «կլուսավորի այդ սկանդալային մեղադրանքները»: Շիլլերն աշխատել է Թրամփի մոտ 9 ամիս: