Թեհրանը Բաքվին առաջարկել է փոխադարձ առևտրի ժամանակ հաշվարկներում ազգային արժույթ կիրառել: Այս մասին Ադրբեջանի նախագահ Իլհամ Ալիևի հետ հանդիպման ժամանակ հայտարարել է Իրանի նախագահ Հասան Ռոհանին, ասվում է Իրանի նախագահի պաշտոնական կայքում:
«Երկու երկրներն առևտրատնտեսական հարաբերություններում հաշվարկներում կարող են օգտագործել իրենց ազգային արժույթները»,- ասել է Ռոհանին:
Ռոհանին նաև նշել է տնտեսական համագործակցության հարցերով ադրբեջանա-իրանական միջկառավարական հանձնաժողովի համատեղ գործունեության ակտիվացման անհրաժեշտությունը:
Հանդիպման ընթացքում քննարկվել է նաև Լեռնային Ղարաբաղի հակամարտությունը: