Նյու Յորքում տեղի ունեցած ահաբեկչությունից հետո, որի հեղինակը ծագումով Ուզբեկստանից էր, Վաշինգթոնը կարող է արգելել այդ երկրի քաղաքացիների մուտքն ԱՄՆ: Այդ մասին հայտնել է Սպիտակ տան մամուլի քարտուղար Սարա Սանդերսը:
«Բազմաթիվ չափանիշներ գոյություն ունեն, որոնց համաձայն մենք որոշում ենք, թե որ երկրները պետք է ներառվեն սև ցուցակում: Ուզբեկստանի՝ սև ցուցակում ներառելը մենք չենք բացառում»,- ասել է Սանդերսը:
Հիշեցնենք, որ ահաբեկչությունից հետո ԱՄՆ նախագահ Դոնալդ Թրամփը հայտարարել է, որ սկսում է Green Card-երի խաղարկության դադարեցման գործընթացը: Նյույորքյան ահաբեկիչը ԱՄՆ-ում հաստատվել էր այդ վիճակախաղի շնորհիվ: