Ռուսաստանի նախագահ Վլադիմիր Պուտինը հայտարարել է, որ Ռուսաստանը պատրաստ է Ադրբեջանի խողովակաշարային համակարգի միջով դեպի Իրանի հյուսիս գազ մատակարարել, հաղորդում է ТАСС-ը:
«Ես կցանկանայի ուշադրություն հրավիրել նրան, որ չնայած Ռուսաստանում, Իրանում և Ադրբեջանում այդ ածխաջրերի մեծ արտադրությանը, որքան էլ որ տարօրինակ է, կա այդ հումքի՝ միմյանց մատակարարելու հետաքրքրությունը՝ հաշվի առնելով ներքին լոգիստիկան»,- ասել է Պուտինը:
Նա նաև Թեհրանին և Բաքվին Մոսկվայի հետ համագործակցության կոչ է արել: Պուտինը նշել է, որ Ռուսաստանը, Իրանն ու Ադրբեջանը ածխաջրերի խոշոր արտադրողներ են:
«Եվ դա չի նշանակում, որ մենք պետք է մրցակցենք: Դա նշանակում է, որ մենք պետք է միավորենք մեր ջանքերը»,- հավելել է Պուտինը: