Միջազգային

     Մոսկվայում ազգությամբ հայ տաքսիստը ձերբակալվել է ուղևորուհուն ծեծելու և նրա հեռախոսը գողանալու համար, հաղորդում է РИА Новости-ն՝ հղում անելով իրավապահ մարմինների աղբյուրին: Դեպքը տեղի է ունեցել հոկտեմբերի 28-ի առավոտյան:
     «Ոստիկանություն հաղորդում է ստացվել մի աղջկանից, ով տուրիստական ընկերության տնօրեն է: Նա պատմել է, որ տաքսիստն իրեն ծեծել է և գողացել իր Iphone 6S հեռախոսքը: Նյութական վնասը կազմում է 65 հազար ռուբլի»,- ասել է գործակալության զրուցակիցը:
     РИА Новости-ի աղբյուրը հայտնել է նաև, որ կասկածյալն անօրինական է աշխատել, բացի աղջկանից գողացված հեռախոսի՝ նրա մոտ ևս 2 հեռախոս է հայտնաբերվել, և այժմ հաստատվում է, թե ում են դրանք պատկանում:
     Դեպքի փաստով քրեական գործ է հարուցվել, հետաքննություն է տարվում: