Եվրոպական երկրները գտնվում են Հյուսիսային Կորեայի բալիստիկ հրթիռների սպառնալիքի տակ: Այս մասին հայտարարել է դաշինքի գլխավոր քարտուղար Յենս Սթոլթենբերգը: Նա նշել է սակայն, որ ՆԱՏՕ-ն հակահարձակման հնարավորություն և վճռականություն ունի:
Միևնույն ժամանակ Սթոլթենբերգը հայտարարել է, որ հյուսիսկորեական ճգնաժամի շուրջ բանակցությունները շարունակելն անհրաժեշտ է:
Նշենք, որ ավելի վաղ ԱՄՆ Կոնգրեսի հետազոտական ծառայությունը զեկույց է հրապարակել, որում ասվում է, որ Կորեական թերակղզում ռազմական բախումների վերսկսման դեպքում՝ առաջին օրերին զոհերի թիվը կհասնի 30-300 հազարի: Պատերազմն անմիջական ազդեցություն կունենա սահմանի 2 կողմում բնակվող 25 միլիոն մարդու վրա: