Ռուսաստանի նախագահ Վլադիմիր Պուտինն անձամբ 4 բալիստիկ հրթիռ է արձակել: Ինչպես հայտնել է Կրեմլի խոսնակ Դմիտրի Պեսկովը, Պուտինը մասնակցել է ռազմավարական միջուկային ուժերի կառավարման զորավարժություններին, հաղորդում է РИА Новости-ն:
Զորավարժությունների ընթացքում մշակվել է ռազմավարական նշանակության հրիթռային զորքերի, հյուսիսային և խաղաղօվկիանոսյան նավատորմի ատոմային սուզանավերի, օդատիեզերական ուժերի հեռավոր ավիացիայի փոխգործակցությունը:
Ռուսաստանի պաշտպանության նախարարության հաղորդմամբ՝ զորավարժություններին մասնակցել են նաև հեռավոր ավիացիայի Տու-160, Տու-95ՄՍ և Տու-22Մ3 ինքնաթիռներ:
Զորավարժություններն անցկացվել են Ռուսաստանի զինված ուժերի նախապատրաստման ծրագրերին համապատասխան: