Մալիում ավտոմեքենայի պայթյունի հետևանքով ՄԱԿ-ի խաղաղարար առաքելության 3 անդամ է սպանվել, ևս 2-ը վիրավորվել են: Ինչպես հաղորդում է РИА Новости-ն, դեպքը տեղի է ունեցել Թեսալիք և Ագելհոկ բնակավայրերն իրար կապող մայրուղում: «Կապույտ սաղավարտների» առաքելության ներկայացուցիչների ավտոմեքենան ուղեկցելիս է եղել մարդասիրական բեռներ տեղափոխող ավտոշարասյանը: Տուժած խաղաղարարները տեղափոխվել են Քիդալ քաղաքի հիվանդանոց:
Նախորդ շաբաթ Մալիի նախարարների խորհուրդն ու երկրի նախագահ Իբրահիմ Բոբաքար Քեյթը որոշել են ևս մեկ տարով երկարաձգել երկրում հայտարարված արտակարգ դրությունը: