Իրադարձություններ

     «Եթե խոսում ենք որևէ պատգամավորի իրավունքի սահմանափակման մասին, վիճակագրություն ներկայացրեք՝ աշխարհի քանի՞ երկրում պատգամավորներն ունեն տեսակցության իրավունք ու աշխարհի քանի՞ երկրում է՝ այլ ընթացակարգ ներկայացված, ոչ՝ մերը»,- արձագանքելով «Ելք» խմբակցությանը պատգամավորներին՝ հայտարարեց ՀՀԿ խմբակցության պատգամավոր, Արդարադատության նախկին նախարար Հրայր Թովմասյանը:
     Հիշեցնենք՝ ԱԺ մեծամասնությունն այսօր մերժել էր ընդդիմադիր ուժի հեղինակած «Ձերբակալված ու կալանավորված անձանց պահելու մասին» օրինագիծը:
     Պատասխանելով Հրայր Թովմասյանին՝ Էդմոն Մարուքյանն ասաց. «Օրինակներ են բերվում՝ քանի՞ երկրում կա այսպիսի բան, քանի՞ երկրում կա այնպիսի բան.... Քանի՞ երկրում ա եղել Ձեր նման նախարար... Ոչ մի: Քաղաքական մեծամասնության իրավունքներն անսահմանափակ չեն: Չեք կարող ասել՝ մեծամասնություն ենք, ինչ ուզում ենք, անում ենք: Չգիտեմ՝ ով ա Ձեզ դաս տվել, բայց այդ թեզը սխալ է: Քաղաքական մեծամասնության իրավունքները սահմանափակված են քաղաքական փոքրամասնության իրավունքներով: Մենք ընդամենն ասում ենք՝ պետք է ընդդիմության նախագծերը ևս քննարկման առարկա դառնան, քանի որ որևէ կերպ չեն սպառնում ձեր իշխանությանը: Իսկ ՀՀԿ-ն միշտ մերժում է դրանք»,- նշեց Մարուքյանը: