Լեհաստանի 2 չափահաս բնակիչներ զոհվել են՝ անտառում գտած զինամթերքի հետ անզգույշ վարվելու հետևանքով: Ինչպես պարզվել է, նրանք վաղուց զբաղվել են Երկրորդ համաշխարհայինի ժամանակների զինամթերքի հավաքմամբ:
Անտառում հայտնաբերելով չպայթած ռումբ՝ նրանք, ամենայն հավանականությամբ, որոշել են այն վնասազերծել: Այդ նպատակով տնից մոտ 30 մ հեռավորության վրա խարույկ են վառել ու իրենց գտածոն դրել կրակի վրա: Տեղի է ունեցել պայթյուն, ինչի հետևանքով 44-ամյա տղամարդը մահացել է տեղում, իսկ 42-ամյա ընկերը՝ հիվանդանոցում: