Այսօր դանակով զինված տղամարդը ներխուժել է Эхо Москвы ռադիոկայանի՝ Մոսկվայի Նոր Արբատ փողոցում գտնվող գրասենյակ: Հարձակման արդյունքում վիրավորվել է ռադիոկայանի հաղորդավարուհի Տատյանա Ֆելգենգաուերը: Նա վիրավորում է ստացել կոկորդի շրջանում: Հաղորդավարուհուն տեղափոխել են հիվանդանոց, նրա կյանքին վտանգ չի սպառնում:
Ռադիոկայանի անվտանգության աշխատակիցները բռնել են տղամարդուն ու հանձնել ոստիկաններին: Հանցագործության պատճառները պարզվում են: