Մատնադրոշմների համակարգն այլևս բավարար չէ, ոստիկանությունն առաջարկում է իրականացնել ԴՆԹ բնութագրերի հաշվառումներ
11:55, երկուշաբթի, 23 հոկտեմբերի, 2017 թ.
 Նախագծի համաձայն՝ ոստիկանությանն իրավունք է վերահապվում հաշվառել մեղադրյալներից, դեպքի վայրից վեցված կենսաբանական ծագման նմուշներում հայտնաբերված ու նույնականացված ԴՆԹ բնութագրերը: Նրա խոսքով՝ ԴՆԹ բնութագրերը պետք է պահվեն 80 տարի, բացառությամբ քրեական հետապնդումը դադարեցնելու կամ չիրականացնելու մասին որոշում կայացվելու կամ արդարացնող հիմքով քրեական գործի վարույթը կարճվելու կամ արդարացման դատավճիռ կայացվելու դեպքերի, որոնց պարագայում ԴՆԹ բնութագիրը ենթակա է ոչնչացման` ոստիկանության ինֆորմացիոն կենտրոնից այդ մասին տեղեկատվությունը ստանալուց հետո 24 ժամվա ընթացքում: «Նախագծով սահմանված է, որ եթե դեպքի վայրից վերցված քրեական գործով չպարզված անձի ԴՆԹ բնութագիրը նույնացվում է քրեական գործի քննությամբ հետագայում պարզված և հանցագործության մեջ չմեղադրվող անձի հետ, ապա այդ մասին ոստիկանությունում տեղեկատվություն ստանալուց հետո 24 ժամվա ընթացքում տվյալ ԴՆԹ բնութագիրը ոչնչացվում է»,- ասաց նա՝ հավելելով, որ բնութագրերը չեն կարող օգտագործվել վերը նշվածից բացի այլ նպատակներով: Հանձնաժողովի նախագահ Կորյուն Նահապետյանը մտահոգություն հայտնեց՝ հաշվառում իրականացնելով առանց համապատասխան սուբյեկտի համաձայնության, կարող է խախտվել անձնի անձնական տվյալների պաշտպանության սահմանդրական իրավունքը: «Անձնական տվյալների վիճակը որևիցե կերպ չի վտանգվում, եթե այդպես մտածենք, կենսաչափական անձնագրերն ինքնին պարունակում են այդ վտանգները, բայց արդարացված են ու խոչընդոտ չեն հարուցում»,- Նահապետյանին պատասխանեց հարակից զեկուցող Ալիկ Սարգսյանը: |
2666 | 0
