Խնդրում ենք սպասել...
Այսօր`  երեքշաբթի, 21 նոյեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Միջազգային

Իտալական երկու մարզում ինքնավարության հանրաքվեներ են անցկացվում

11:25, կիրակի, 22 հոկտեմբերի, 2017 թ.
Իտալական երկու մարզում ինքնավարության հանրաքվեներ են անցկացվում

Իտալիայի հյուսիսում գտնվող Լոմբարդի և Վենետո մարզերում ինքնավարության հանրաքվեներ են անցկացվում: Ինչպես հայտնում է Rai Radio-ն՝ հանրաքվեներին մասնակցելու իրավունք ունի 12 միլիոն մարդ:
     Լոմբարդին և Վենետոն երկրի տնտեսապես ամենազարգացած մարզերն են: Հանրաքվեների նպատակն է պարզել, արդյոք մարզերի բնակիչները համաձայն են, որ տարածքային իշխանություններին անցնեն որոշ լիազորություններ, որոնցով տարածքային գանձարանին կմնա վճարված հարկերի մեծ մասը: Հանրաքվեները խորհրդատվական բնույթ են կրում, դրանց արդյունքներն անմիջական հետևանքներ չեն ունենալու, քանի որ համաձայն Իտալիայի սահմանադրության՝ տարածքային լիազորությունների մակարդակը որոշվում է միայն պետության հետ բանակցությունների միջոցով:
     Եթե ինքնավարություն ստանալու ձգտումներն աջակցություն ստանան ընտրողների կողմից, տարածքային իշխանությունների ղեկավարները՝ նահանգապետերը, այդ գործընթացն սկսելու համար ազգային մանդատ կստանան: Իտալիայի կառավարությունը կճանաչի հանրաքվեի օրինականությունը, բայց «քաղաքական անօգուտ քայլ» կորակի այն, քանի որ սահմանադրությունը թույլ է տալիս ինքնավարություն ստանալու համար բանակցություններ սկսել նաև առանց հանրաքվեի անցկացման:
     Նշենք, որ Իտալիայի Վենետո և Լոմբարդիա մարզերը ղեկավարվում են ընդդիմադիր «Հյուսիսի լիգա» կուսակցության կողմից:

3535 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
Վայ-վայ
Վայ-վայ 02:42, 23.10.2017
Շղթայական(միջուկային) ռեակցիա