Միջազգային

Աֆրիկյան Մալավի պետության ոստիկանությունը ձերբակալել է 140 մարդու, որոնց կասկածում են վամպիրներ որսացող մարդկանց ավազակախմբի հետ կապ ունենալու համար: Երկրի հարավային նահանգներում այժմ խուճապ է, մարդիկ կարծում են, թե վամպիրներն ակտիվացել են: Աշխարհի ամենաաղքատ երկրներից մեկի բնակիչներն անմիջապես վամպիրների որսով զբաղվող խմբեր են ստեղծել ու անցել որսի: Արդյունքում մեկ ամսում վամպիրության համար կասկածվող առնվազն 9 մարդ է սպանվել:
     Հոկտեմբերի 18-ին էլ երկրի՝ մեծությամբ երկրորդ քաղաքում, կատաղի ամբոխը ողջակիզել է մեկին ու քարերով հարվածելով սպանել մյուսին:
     Անկարգություններով բռնկված շրջաններից ՄԱԿ առաքելությունը տարհանել է իր անձնակազմը՝ այդ վայրը համարելով այցելության համար վտանգավոր: Իրավապահներն այժմ ամեն ինչ անում են, որ վամպիրաորսը չտարածվի երկրի մյուս նահանգներում: