«Ռոսնեֆտ» ռուսական նավթային ընկերությունն ու Իրաքյան Քրդստանն սկսել են իրականացնել նավթամուղի շահագործման հարցով իրենց ծրագիրը:
«Ռոսնեֆտ»-ի մամուլի ծառայության հաղորդագրության մեջ ասվում է, որ Քրդստանի կառավարության հետ համատեղ սկսվել է նախկինում ձեռքբերված համաձայնությունների իրականացումը:
Ծրագրում «Ռոսնեֆտ»-ի մասնաբաժինը կկազմի 60%, իսկ նավթամուղի ներկայիս օպերատորի՝ KAR Group ընկերության մասնաբաժինը՝ 40%: Ռուսական ընկերությունն ակնկալում է, որ ծրագիրը թույլ կտա ապահովել Քրդստանից նավթի արդյունավետ մատակարարման բարձրացումը Գերմանիայում «Ռոսնեֆտ»-ի նավթավերամշակող գործարաններում: