Ալբանիայի Դուրես քաղաքում մեկնարկած ծանրամարտի Եվրոպայի երիտասարդական առաջնության շրջանակներում այսօր մրցահարթակ դուրս եկան 85 կգ քաշային մինչև 20 տարեկան ծանրորդները։ Այս քաշային կարգում Հայաստանը ներկայացնոում էին Դավիթ Հովհաննիսյանը և Կարեն Ավագյանը:
Դավիթը, պոկելով 158 կգ և հրելով 185 կգ, երկամարտում գրանցելով 343 կգ արդյունք, նվաճեց արծաթե մեդալ:
Կարենը, պոկելով 156 կգ և հրելով 183 կգ, երկամարտում գրանցեց 339 կգ արդյունք և գրավեց 4-րդ տեղը: Պոկում վարժությունում մեր ծանրորդը նվաճեց փոքր բրոնզե մեդալ:
Այս քաշային կարգում հաղթող դարձավ Վրաստանի ներկայացուցիչ Ռևազ Դավիթաձեն՝ երկամարտի 353 կգ արդյունքով: Բրոնզե մեդալը նվաճեց Ուկրաինայի ներկայացուցիչ Իլյա Կուլիկովը՝ երկամարտի 340 կգ արդյունքով: